Granit Xhaka garon për mesfushorin e vitit në Bundesligë

Bundesliga gjermane po shkon drejt fazës së nxehtë. Kur kanë mbetur vetëm edhe disa ndeshje para përfundimit të sezonit tashmë kanë filluar sondazhet për të përzgjedhur 11-shen më të mirë futbollistike në ligën gjermane. Në votimin e madh që është hapur nga faqja Bundesliga.de, ju mund të votoni deri më 24 maj të këtij viti për të përzgjedhur 11 futbollistët meritorë të sezonit 2014/2015.

Pjesë e këtij sondazhi është edhe një futbollist shqiptar, Granit Xhaka.

Ai gjendet i nominuar për mesfushorin më të mirë defansiv. Xhaka ka në konkurrim dy lojtarët e e Bayernit, Xabi Alonso dhe David Alaba, John Greisin e Mainzit, Luiz Gustavon e Wolfsburgut dhe Eurgen Polanskin e Hoffenheimit.

“Graniti e ka gjetur vendin tek mbrojtja e Borusia Monchengladbach. Ai gjatë këtij sezoni ka munguar në vetëm katër ndeshje në Bundesligë (një për lëndim dhe të tjerat për kartonë), shkruan faqja Bundesliga.de, transmeton albinfo.ch.

Kosovari që luan për përfaqësuesen e Zvicrës është një lojtar me teknikë të përsosur. Ai ka një mesatare prej 90-91 pasime në ndeshje që e bën atë lojtarin me pasime më së shumti tek Borusia, transmeton albinfo.ch.

“Xhaka në këtë sezon ka shënuar pesë gola, tre prej të cilëve ishin të shkëlqyer, nga distanca”, citon portali.

Graniti përmes rrjeteve sociale, ka kërkuar të gjithë fansave të tij që ta votojnë në këtë garë futbollistike.

Përveç hapave të mëdha që Graniti bëri këtë vit në karrierën e tij profesionale, ai një hap të madh bëri edhe në jetën private. Javë më parë u fejua me vajzën shqiptare Leonita Lekaj.

albinfo.ch

Ja linku ku mund të votoni,klikoni në foton e Xhakës:

http://www.bundesliga.de/de/fanzone/top-11-der-saison-2014-2015/