Granit Ismajli lanson së bashku me Gold AG këngën e re “Diaspora”

Këngëtari i talentuar, Granit Ismajli, i cili brenda një kohe shumë të shkurt ka arritur për fansat e tij ti sjell tri këngë mjaft të dëgjuara nga publiku, sot ka publikuar këngën e re në bashkëpunim me Gold AG me titullin e këngës “Diaspora”.

Këngëtari Gjilanas, Ismajli është i lumtur që kënga e re ju ka kushtuar mërgimtarëve tanë të cilët gjinden në diasporë.

Kjo këngë është komponuar nga vet këngëtari Ismajli dhe nga këngëtari i dëshmuar tani Genc Prelvukaj, tekstin e kanë përpiluar Gold AG e Genc Prelvukaj, ndërsa spotin e këngës ju ka besuar Black Fish Media.

“Së bashku në grup me një punë profesionale kemi arritur që në këtë pjesë të pushimit veror, vëllëzrit e motrat tona të cilët punojnë në mërgatë t’ju sjellim këtë këngë si befasi pasiqë ata janë pjesë e pandashme e jona, kënga është mjaft ritmike dhe besoj se dashamirët e muzikës do ta mirëpresin”, ka bërë të ditur vetë, këngëtari Ismajli.

Granit Ismajli, gjithashtu tregon edhe për projektet e ardhshme.
“Për fansat tonë nuk do të ndalemi në asnjë moment, ne jemi pjesë e tyre dhe kërkesat e tyre do ti realizojmë siç është më së miri, ndërsa gjerë në fund të vitit do të kemi edhe një këngë të re që do të jetë edhe një befasi e madhe për publikun tonë të respektuar”.

Për këngëtarin tani të dëshmuar Granit Ismajli kjo është kënga e katërt e tij./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).