Grabovci: Opozita po i përdor marrëveshjet për destabilizim të vendit

Shefi i Grupit parlamentar të PDK-së, Adem Grabovci, thotë se partia më e madhe në vend ka ftuar dhe fton për dialog në mes të pozitës dhe opozitës për gjetjen e zgjidhjes.

Ai konsideron se qëndrimet e opozitës janë në kundërshtim me interesat e qytetarëve të vendit.

“Mund të dialogojmë prapë, tu kthehemi bisedimeve me Malin e Zi dhe kjo çështje mund të zgjidhet dhe do të zgjidhet”, tha Grabovci për televizionin publik.

“Qëndrimet e opozitës janë në plotni në kundërshtim me interesin e qytetarëve të vendit. E kam thënë edhe më herët po e them edhe sot, opozita këto marrëveshje i ka marrë vetëm si një pretekst për të destabilizuar situatën në Kosovë për të manipulu fatkeqësisht me ndjenjat e qytetarëve të Kosovës”, tha Grabovci.