Grabitet si nëpër filma “BUM” marketi në Gjilan, hajnat ishin me maska e me armë

Gjilan – Të martën rreth orës 20.00 të mbrëmjes persona të maskuar dhe me armë në dorë e kanë grabitur me forcë arkën e minimarket “Bum” në Gjilan. Ismet Hashani e ka konfirmuar rastin e grabitjes së ndodhur në rrugën “Idriz Seferi” në Gjilan.

Persona të maskuar dhe të armatosur kanë hyrë me forcë në minimarket “Bum” në Gjilan ku edhe kanë marrë kasafortën me para dhe janë larguar në drejtim të panjohur.

Policia sipas dëshmitareve ka reaguar shumë shpejt, por nuk ka arritur ende t`i prangos grabitësit.

Ismet Hashani zëdhënës i policisë për rajonipress e ka konfirmuar rastin.”Po ka ndodhur një grabitje në rrugën “Idriz Seferi” në Gjilan rreth orës 20.00 dhe dyshohet se ata ishin të armatosur” tha Hashani.

Ndryshe ky rast ka tronditur dhe shqetësuar tej mase banorët e lagjes së tetë, (VIII) ku edhe ndodhet minimarketi./rajonipress/