Grabiten dhunshëm dy të rinj në lagjen “Arbëria”

Gjilan – Dy viktima të rinj kanë lajmëruar përmes telefonit se deri sa ishin duke u kthyer nga shkolla për në shtëpi, në rrugën “Mustafe Kokaj” në Gjilan janë sulmuar nga 5 persona të dyshuar të cilët sipas viktimave, tre nga të dyshuarit kanë pasur edhe thika në dorë ndërsa dy të tjerë kanë pasur në dorë shkopinj të drunjtë njoftoj Ismet Hashani zëdhënës i policisë rajonale në Gjilan.

Po ashtu sipas viktimave ata janë rrëzuar në tokë duke i goditur nëpër trup, dhe duke i kërcënuar me thika deri sa ju kanë marre telefonat që i kishin pasur me veti dhe kanë ikur në drejtim të panjohur.

Njërit prej tyre i është marrë telefoni i markës-“HTC” në vlerë të konsiderueshme, ndërsa tjetrit i është marrë telefoni i markës Samsung.

Viktimat kanë marrë edhe tretman mjekësore. Njësitë patrullues kanë patrulluar në lokacionin e lartshënuare, por nuk ka hasur ndonjë person të dyshuar.

Për rastin është njoftuar edhe operativa regjionale, si dhe prokurori kujdestar i cili na ka udhëzuar që rasti t`i dedikohet NJHR për hetime tha Hashani./rajonipress/