Gola të bukur nga distanca, Rashica: Jam i aftë për këso gjëra

Milot Rashica e ka shumë të vështirë të ndalet, sidomos në ndeshjet e Kupës së Gjermanisë.

Sulmuesi i Werder Bremenit ka shënuar gol në ndeshjen e tij të pestë me radhë duke vendosur kështu rekord të ri në klub.

Pas fitores 4:1 ndaj FC Heidenheimit, 23-vjeçari u shpreh tejet i lumtur.

“Unë kam shënuar gola të tillë si ky më parë, kjo është ajo për të cilën unë jam i aftë”, tha Rashica.

Futbollisti nga Vushtrria shënoi gol të bukur pas gjashtë minutash lojë duke hapur serinë e golave për Werder Bremenin.

“Më pëlqen të gjuaj nga ky pozicion. Pas hapësirën dhe më pas gjuajta”, i cili goditi kësaj radhe me këmbën e djathtë, ani pse një gjë të tillë mund të bëjë edhe me të majtën, sikur ndaj Bayer Leverkusenit.

Tutje, Rashica ka folur edhe për periudhën ku mungoi shkaku i lëndimit.

“Pas çdo ndeshje po ndihem më mirë. Ishte e vështirë të mungoja kaq gjatë shkaku i lëndimit, por po përmirësohem çdo javë. Shpresoj të vazhdoj kështu”, përfundoi ‘raketa’ e Kosovës./Zëri.info