Gol i bukur i Ajetit në fitoren e thellë të Baselit, shënon edhe Zeqiri

Albian Ajeti ka vazhduar me formë të lartë në kampionatin zviceran.

Kampioni aktual i Zvicrës, Basel ka marrë një fitore të merituar në udhëtim tek Lausanne me rezultat të thellë 1-4.

E në këtë sfidë golin e dytë për mysafirët e shënoi sulmuesi i talentuar nga Kosova, Albian Ajeti.

Ajeti kaloi bukur një mbrojtës dhe pa problem mposhti portierin vendas për 0-2.

Goli ndaj Lausannes ishte i gjashti këtë edicion për Ajetin që qëndroi në fushë 77 minuta.

Ndërkohë Taulant Xhaka ishte i plotë në fitoren e Baselit duke luajtur 90 minuta.

Tek vendasit Benjamin Kololli ishte titullar dhe asistoi tek goli i sulmuesit Andi Zeqiri. /Telegrafi/