Gol dhe sherr, Pajtim Kasami i bën të dyja

Para dy javësh u shkarkua trajneri Paolo Tramezzani, por Sion nuk po del te fitorja në kampionatin zviceran edhe pas largimit të tij. Sot Sion ka barazuar 1-1 në shtëpi me Zurich, ku protagonist sërish është bërë një shqiptar. Jo Ermir Lenjani apo Burim Kukeli, që luajnë për Sion, por Pajtim Kasami, mesfushori shqiptar me origjinë nga Gostivari, që ka luajtur edhe kombëtaren zvicerane.

Kasami realizoi në minutën e 81-të, duke barazuar rezultatin në 1-1 pas golit të Rodriguez, që kishte kaluar Zurich-un në avantazh në minutën e 47-të. Për Sion, Ermir Lenjani u aktivizua si titullar deri në fund të takimit, ndërsa Burim Kukeli ishte në stol, pasi sapo është rikthyer nga dëmtimi. Në minutën e 94-t të takimit ndodhi edhe një incident mes Pajtim Kasamit dhe trajnerit të ekipit kundërshtari, Uli Forte të Zurich.