Goditet në kokë kosovari, pëson thyerje të kafkës

Një burrë 32 vjeçar, me prejardhje nga Kosova ka pësuar lëndime të rënda pasi është goditur para një klubi të natës në Zofingen. Policia pak më vonë e ka kapur të dyshuarin për ushtrim dhune. Incidenti ka ndodhur më 9 nëntor, kur Kosovari menjëherë pas daljes nga klubi, është goditur me grusht në kokë. Ai është rrëzuar nga fuqia e goditjes dhe për një kohë të shkurtë ka qenë pa vetëdije.

Ndihma e shpejtë e ka transportuar atë në spital, ku është konstatuar se kishte pësuar thyerje të kafkës. Gjendja e të plagosurit është stabile por ai vazhdon të mbahet në trajtim spitalor.

Personi që e ka sulmar kosovarin fillimisht ka ikur por ndërkohë, në paraditen e të dielës është kapur nga policia në vendbanimin e tij, në Kantonin e Luzernit. Bëhet fjalë për një zviceran të moshës 33 vjeçare. Ai ka pranar veprën dhe njëherë është lënë i lirë. Por prokuroria shtetërore Zofingen-Kulm e ka iniciuar tashmë ndjekjen penale ndaj tij.POlicia nuk ka dhënë informata lidhur me motivin e mundshëm.

albinfo.ch