“Globi” dhe “H- Projekt”, pastrojnë nga bërllogu Zhegrën

Gjilan – Të mërkurën me lajmin kryesor që Komuna e Gjilanit në bashkëpunim me Kompaninë prestigjioze GLOBI po bën pastrimin e deponisë së egër të bërllogut në Zhegër. Në ndihmë na erdhi edhe kompania H – Projekt. Natyrisht në Zhegër kemi shumë projekte në proces dhe ende nuk janë realizuar shumë punë ka shkruar Shemsedin Elezi këshilltar komunal nga kjo anë.

Postimi i plotë i Shemsedin Elezit

Është mirë që ne me një organizim të pastrojmë edhe pjesën e kodrës ku nuk mundet të hyjë makineria.
Pastaj do të vendosim kamerë, mënyrë e vetme e ndalimit të hudhjes së bërllokut pa kontrollë.
E hudhja e tillë do të sanksionohet me ligj si vepër penale, ndaj ju ftoj që të heqni dorë.
Poashtu me mbikëqyrësin e punëve nga komuna z. Mentor Ibishi vizituam projektet e palestrës sportive, ku brenda dy dite arrin armatura dhe fillon ndërtimi dhe nga punëkryesi është garantuar se nuk ndalen punët.
Rruga e Selishtës pritet të përfundojë deri në fund të javës.
Shkolla e Haxhajve poashtu po punohet, ku brenda 10 dite përfundon pllaka, e pastaj varësisht nga kushtet klimatike do të vazhdojë.
Natyrisht në Zhegër kemi shumë projekte në proces dhe ende nuk janë realizuar shumë punë.
Por ato do të kryhen konform të drejtës qytetare dhe proporcionit tonë si territor, njerëz dhe kapacitete ka thënë Shemsedin Elezi./rajonipress/