Global Consulting nga Gjilani fiton Kurorën e Artë Spanjolle

Gjilan – Pavarësisht ndërhyrjeve politike të vendeve, kompania Kosovare Global Consulting & Development Associates shpallet fituese e Kurorës së Artë nga Konventa Spanjolle Business Initiation Direction – fondacion me seli në Madrid të Spanjës vend ky që nuk njohu Kosovën tha Arsim Vranovci.
Kompania Kosovare, Global Consulting & Development Associates nga Gjilani, ka fituar Kurorën e Artë Mbretërore për kualitetin e lartë të shërbimeve të ofruara në Konventën Spanjolle të organizuar nga Business Initiation Direction (BID) dhe ka marrë Kurorën e Artë në Londër me 25 Nëntor 2012.
Gjatë kësaj konvente BID ka mirëpritur udhëheqësit e 72 bizneseve nga e gjithë bota, të cilët morën pjesë në këtë Konventë Ndërkombëtare të Cilësisë Mbretërore, përfshirë këtu edhe kompaninë e vetme Kosovare, Global Consulting & Development Associates , e cila u shpërblye me Kurorën e Artë.
Kjo kurorë ju dorëzua nga Presidenti dhe themeluesi i BID zoti Jose E. Prieto nga Spanja Drejtorit Ekzekutiv të kompanisë Global Consulting & Development Associates nga Gjilani zotit Arsim Vranovci me datë 25 nëntor 2012 në Tower Brigde – Gala Dinner ne Londër.
Konventa e 24-të Ndërkombëtare për Cilësinë Mbretërore, Londra 2012, është pjesë e programit vjetor të B.I.D. program ky i projektuar për të njohur prestigjin e kompanive, organizatave, dhe biznesmenëve të shquar në botën e biznesit.
Kriteret për përzgjedhjen e kompanive fituese janë të ketë përsosmëri në udhëheqje dhe menaxhim të biznesit, cilësia e shërbimeve dhe përsosmëria e tyre, prestigji i emrit të biznesit si dhe avancimi në teknologjinë informative, zhvillimi i inovacionit, dhe zgjerimi i kompanisë. Kriter këto të përmbushura nga Global Consulting & Development Associates me seli në Gjilan./rajonipress/