Gjyq me sms falso

Avokati Tomë Gashi ka thënë se aktakuza për rastin e MTPT-së duhet të hedhet poshtë, dhe pret që këtë ta bëjë kryetarja e gtrupit gjykues, Ana Adamska Gallannt.

“Presim që gjyqtarja ta hedhë poshtë aktakuzën dhe të thotë se nuk do të ketë gjykim fare për këtë rast”, ka thënë Gashi duke shtuar se nëse vendoset që procesi të shkojë në gjykim atëherë, sipas tij, kjo çështje, përveçse do të jetë e mundimshme për mbrojtjen dhe për vetë Fatmir Limajn, do të jetë e pamundshme edhe për prokurorin që të dëshmojë një aktakuzë të pabazuar, ndërsa do të jetë një punë e humbur edhe për gjyqtarët e Eulex-it.

Gashi ka thënë se aktakuza është e ndërtuar mbi bazën e disa sms-ve të inskenuar në letët A4 të bardhë, shkruan Epoka e re. “Niveli i Prokurorisë Speciale nuk lejon të ngrehen aktakuza të tilla, të cilat nuk mund të vërtetohen fare, e që duken pothuajse një imagjinatë apo një skenar i një filmi të shkruar relativisht keq”, është shprehur Gashi./Indeksonline/