Gjykata vendos: Paraburgoset “Grupi i Drenicës”

Gjykata e Apelit ka marrë vendim që të gjithë të dyshuarit e “Grupit te Drenicës” të paraburgosen, kanë treguar burime të Gazetës Express brenda EULEX’it.

Vendimi është marrë para pak çastesh dhe ai ende nuk i është komunikuar as avokatëve mbrojtës të të akuzuarve.

Pala mbrojtëse ka kërkuar qe t’iu ndërpritet masa e arrestit shtëpiak, derisa Maurizio Salustro kishte kërkuar caktimin e masës së paraburgimit – kërkesë që është marrë parasysh nga Gjykata.

Të shtatë ish-pjesëtarët e Ushtrisë Çlirimtare të Kosovës, Sylejman Selimi, Sami Lushtaku, Jahir Demaku, Sahit Jashari, Zeqir Demaku, Hysni Thaçi e Avni Zabeli, i njohur si “Grupi i Drenicës”, dyshohen se kanë kryer krime lufte.

Sot kishin kaluar 48 orë të arrestit shtëpiak, të cilat ishin caktuar dy ditë më parë.

Ishte thënë që vendimi për “Grupin” do të jepet të hënën por për paraburgosjen prokurorët vendosën sonte gjatë orëve të mbrëmjes.