Gjykata Themelore në Gjilan liron nga akuza doktorin Ilaz Poroshtica

Gjilan – Një gjyqtar i Departamentit të Përgjithshëm të Gjykatës Themelore në Gjilan, në lëndën penale P.nr. 1053/2015, ka shpallur Aktgjykim për të pandehurin Ilaz Poroshtica, duke e liruar nga akuza, ngase nuk ka prova të mjaftueshme për të mbështetur dyshimin e bazuar mirë, se i pandehuri ka kryer veprën penale: trajtim i pandërgjegjshëm mjekësor nga neni 260 paragrafi 1 i Kodit Penal të Republikës së Kosovës (KPRK).

I pandehuri Ilaz Poroshtica shqiptar, shtetas i Republikës së Kosovës, është akuzuar nga ana e Prokurorisë Themelore në Gjilan për trajtim të pandërgjegjshëm mjekësor ndaj pacientes F. K.

Gjyqtari në bazë të shkresave të lëndës ka shpallur Aktgjykim lirues.

Palët gëzojnë të drejtën e kontestimit të këtij Aktgjykimi në Gjykatën e Apelit./rajonipress/