Gjon Serreqi

Lumja nëna , n’djep çka qet, Gjon Serreqin, djalë hasret –
Lum Kosova që e pret !

Ku t’ gjejë fjalë që t’ia ujdisi –
Një këngë t’ bukur një ballisti ?!
Ku t’ gjejë tinguj që t’ ia ndreqi –
Një këngë t’ bukur Gjon Serreqit ?!
Gjon Serreqi i Ferizajit –

Është një trim që s’ donë këngë t’ vajit !
Atij i këndohen këngë kreshnike –
Që jetësojnë Shqipërinë etnike !

Gjon Serreqi , ai atdhetar ,
Për bashkimin mbarëkombëtarë –
Rroku pushkën doli n’ mal ,
Për të shtrenjtin ideal !

Gjon Serreqi , burrë me besë –
Promotor i NDSH- së !
Kishte dhanë një deklaratë –
Përse hyni n’ këtë Organizatë :
“Kjo organizatë angazhohet –
Populli shqiptarë që të çlirohet !
Për një rend demokratik –
Si n’ Evropë e n’ Amerikë !…
Prandaj , unë e përqafoj
Dhe për te do të luftoj !
Për një Shqipëri etnike ,
Shqipëri t’ lirë demokratike !
Jo për një Shqipëri zogiste ,
As për Shqipëri komuniste !

Një Shqipëri , si e do Evropa –
Jo të ndahemi copa – copa !”…
Gjon Serreqi , atdhetar –
Për bashkimin tonë kombëtar !
Ideal me përkushtim –
Luftë , a vdekje për çlirim !
Betohej Gjoni :”Pasha tokën –
Për dashuri e japi kokën !
Për atdheun dhe lirinë –
E jap kokën dhe dashurinë !”
Në Gadime , ku e dha betimin –
Me një fjali e trishtoi tubimin !
Gjoni e vuri revolen n’ fyt
Dhe u betua :” Pasha dy sytë …
Po s’e mbajti Gjoni premtimin –
Mbi kokë time ia pafsha tymin !
Kjo i’ marrtë jetën Gjon Serreqit –
Shpirti im shkoftë n’ gojë të dreqit !”
Gjon Serreqi me shokët e vet –
Shumë kaloi n’ ilegalitet !
Mbarë Kosovës , jetoi n’ tmerr –
N’ fshatra , n’ male e n’ bunkerë !…

Kohë të gjatë si ilegal
Me grup t’ tij për ideal –
E kaloi n’ rreth t’ Kamenicës ,
N’ male t’ Sharrit e Brezovicës …
N’ Kamenicë e n’ fshatra mbarë –
U njoh me shumë atdhetarë …
Pabesisë i ruhej drojës –
Mos ta shihnin langoit e OZN-ës !
Atdhetarë me lista t’ gjata –
Ishte toger Isa Dujaka !
Komandant i policisë –
N’ stacion në Kamenicë !
Isa Dujaka , qoftë i gëzueshëm ,
Përmes njerëzve të besueshëm –
Gjon Serreqin e kish njoftua ,
Se bunkeri iu kish zbulua !
“Gjon , bunkeri t’u ka zbulua ,
Me shokë tu , ku ke qëndrua !
Jo ma pak se një muaj ditë –
Ruaju Gjon , se bien në pritë “!
Nga lajmërimi i Isës s’ ngratë –
OZNA e gjet bunkerin thatë !
N’ bunker ende s’ ish shua zjarri –

Por nuk ishte Gjon shqiptari !…
Këtë bunker e kishte zbulua ,
Bariu trim që s’ kish tregua –
Asllan Dërmaku nga Shipashnica ,
Me te mburrej gjithë Kamenica !
Por , shumë kohë nuk ka kalua –
Gjon Serreqi është arrestua !
Më 24 Shkurt , Dyzet e Shtatë –
Përfundoi ëndrra jetëgjatë !…
Në gjykim t’ mbajtur n’ Prishtinë –
Prokuror kishte Ali Shukrinë !
Prokurori fort po i kërkonte –
Bashkëpunëtorët që t’i tregonte !

Më parë Gjoni do t’ jepte kokën –
Se n’ gjykatë t’i tradhtojë shokët !
Gjoni me jetë e pagoi –
Idealin nuk e tradhtoi !
Më 31 Gusht , Dyzet e Shtatë –
Pushkatuan Gjonin e ngratë !
Çetnikët serbokomunist –
Na e vranë Gjonin , atë ballist !
Ideali i tij derisa t’ jetësohet ,
Kombi ynë derisa t’ bashkohet ,
Derisa Drini t’ shterohet –
Gjon Serreqi nuk harrohet !

Gjilan, më 09.10.2015 . Demir Krasniqi