Gjoba për pronarët e lokaleve që nuk respektuan masat anti COVID

Gjilan – Policia e Kosovës në Rajonin e Gjilanit e përkushtuar në zbatim të ligjit me qëllim të ruajtjes së shëndetit të qytetarëve të vet thotë Ismet Hashani.

“Në vazhdën e luftimit të dukurive negative dhe mos zbatimit të masave anti COVID-19 Policia e Kosovës bashkë me inspektorët e AVUK-ut kanë kontrolluar disa lokale në Rajonin e Gjilanit.

Në qytetin e Gjilanit në dy raste të veçanta janë has parregullsi dhe pronarëve të dy lokaleve në lagjen “Dardania” nga ana e inspektorëve sanitar u janë shqiptuar gjoba.

Edhe në komunën e Kllokotit, gjatë kontrollit janë gjetur parregullsi të theksuara nga ana e pronarit të një lokali hotelier, por edhe të personave që gjendeshin aty, ndaj të gjithëve janë marrë masa të parapara ligjore.

Gjatë njëzet e katër orëve të fundit, nga Policia e Kosovës dhe inspektorët Sanitar, për shkak të mos respektimit të masave anti COVID, janë shqiptuar gjithsej gjashtëdhjetë e tri (63 ) fletë paraqitje të ndryshme.

“Policia e Kosovës i thërret dhe apelon te qytetarët që t`i respektojnë me përpikëri masat e ndërmarra nga ana e Qeverisë, ne dhe të gjitha institucionet e shtetit e kemi vetëm një qëllim mbrojtjen e shëndetit të qytetarëve tanë, në të kundërtën moszbatimi i këtyre masave do të ketë konsekuenca ligjore” thuhet në njoftimin e Ismet Hashanit./rajonipress/