Gjithmonë paçim diell e dritë

Dal shëtis nëpër Gollak – Shikoj malet larg e larg ! Kush s’e di ku është Gollaku – Nuk e di çka është meraku !

I marr ngjyrat nga ylberi –
Lehtë e butë si zog skifteri !
Dëgjoj këngët nga bilbili ,
Thithë aromë nga trëndafili !…

Bashkë me vallen dorë për dore –
Kalojmë malet kodrinore !
N’ malësinë tonë ku jemi rritë –
Gjithmonë paçim diell e dritë !

Me shqiponja nëpër Gollak –
T’ fluturoj e kam merak !
Aty ku tymon oxhaku –
T’ rri me burra te konaku !

Marrim fyellin , çiftelinë ,
N’ barë të butë përmbi lendinë –
Këndojmë me zë për trimërinë ,
E shpalosim historinë …

Gjilan, më 21.12.2014. Demir Krasniqi