Gjithçka gati për Festivalin e Këngës, Alketa Vejsiu nis përgatitjet

Sonte nis festivali i 58 i Këngës në RTSh. Tashmë janë kryer të gjitha përgatitjet për këtë dhe në natën e parë pritet të performojnë 10 këngët e para konkurrentë, shkruan Indeksonline.

Moderatorja e këtij festivali përmes një postimi në rrjetet social ka treguar se është bërë gati për natën spektakulare.

“Duke u bere gati! Ne 20:30 live ne RTSH festivali i 58 i këngës, festivali i Shqipërisë dhe i shqiptareve! Na ndiqni…”, ka shkruar Alketa.

Kujtojmë që 10 këngët e natës së parë, nga 20 që janë përzgjedhur për këtë festival janë Bojken Lako me këngën “Malasen”, më tej Kanita me këngën e titulluar “Ankth”, Devis Xherahu me “Bisedoj me serenadën”, Sara Bajraktari me “Ajër”, Genc dhe Nadia Tukiçi me këngën “Ju flet Tirana”, Kamela Islamaj me këngën “Më ngjyros”, Elvana Gjata me këngën “Me Tana”, Aldo Bardhi me “Melodi”, Renis Gjoka me “Loja” dhe Albërie Hadërgjonaj me “Ku ta gjej dikë ta dua”.

Fituesi i festivalit përfaqëson Shqipërinë në “Eurovision 2020”./Indeksonline/