​Gjini nuk e mohon se kishte parashikuar dështimin e Bllokut

Ardian Gjini thotë se i vjen keq që Blloku ka dështuar. Thotë se nuk mund të thotë që nuk e ka parashikuar dështimin, por se ishin të vendosur si AAK që deri në fund të shkonin me këtë projekt. Në emisionin “Zona B”, Gjini ka thënë se Haradinaj ka qenë i gatshëm të qeverisë me Kosovën.

“Ka qenë ide e Haradinajt që të ndërtohet një qeveri për krejt Kosovën”, ka thënë Gjini.

Në lidhje me atë se a e ka paraparë dështimin e Bllokut, ka thënë se po por do të ishte jo relevante të flitet tash për këtë parashikim. Por, ai thotë se ka punuar me sinqeritetin më të madh për funksionimin e idesë së Bllokut.

“Tani mund të them po por është jo relevante. Unë kam punuar që Blloku të funksionojë. Me sinqeritetin më të madh kam punuar që duhet të funksionojë ajo ide”, ka thënë veç tjerash Gjini.