Gjimshiti lëndohet, humb ndeshjen e madhe ndaj Milanit
RajoniPress
13:36, 15 Shkurt, 2019
Berat Gjimshiti është njëri nga mbrojtësit më të mirë te Atalanta këtë edicion.
Qendërmbrojtësi shqiptar ka zhvilluar 11 takime këtë edicion në Serie A me fanellën zi kaltër.
Por në njërën nga ndeshjet më të rëndësishme të sezonit për Atalantën ndaj Milanit, mbrojtësi shqiptar do të mungojë.
25-vjeçari ka pësuar një lëndim një javë më parë dhe kështu humbi ndeshjen ndaj Spalit.
Berat Gjimshiti në një duel me Edin Dzekon. (Foto: Emilio Andreoli/Getty Images/Guliver)
Por rikuperimi i tij nuk ka shkuar mirë dhe kësisoj ai do ta humbas edhe ndeshjen ndaj Milanit.
Gjimshiti gjithsesi do të grumbullohet por trajneri Gasperrini ka bërë me dije se nuk do të rrezikojë me aktivizimin e tij.
Rikthimi i mbrojtësit shqiptar në fushë pritet të ndodhë në javën e ardhshme në ndeshjen ndaj Torinos.
Atalanta po lufton për një pozitë që i dërgon në Ligën e Kampionëve, pasi aktualisht është në pozitën e pestë në tabelë me 38 pikë, një më pak se Milani në vendin e katërt. /Telegrafi/
