Fidanishtja

Gjilanit i takon derbi i qytetit në stadiumin “Fadil Vokrri”

/ 2 minuta lexim

Vëmendja e tifozëve “Intelektualëve” e “Skifterave” në javën e VI, ishte përqendruar ne derbin në mes Dritës e Gjilanit, takim i cili u zhvillua në stadiumin në kryeqytet “Fadil Vokrri”.

Kënaqësinë të cilën e dhuron ky derbi, shumë dashamirë të futbollit mbetën të zhgënjyer për shkak se ndeshja nuk u zhvillua në qytetin e Gjilanit për shkak ndërtimit të stadiumit të qytetit. Se a ka humbë rivaliteti i këtyre dy klubeve dëshmon se në radhët e skuadrës së Gjilanit nuk kishte futbollist nga qyteti, ndërsa tek Drita ishin 2 lojtarë, Ardian Limani dhe portieri Faton Maloku, se a mund të theksohet se ky është derbi i qytetit, këtë e vlerësojnë dashamirët e futbollit gjilanas.

Në pjesën e parë u zhvillua futboll tejet i dobët pa asnjë të vetme gjuajtje drejt portave të Enea Koliqit e Faton Malokut. Me të mbaruar pjesa e parë disa tifoz të pa ndërgjegjshëm të “Intelektualëve” e “Skifterave” janë kacafytur duke i hedhur hije të keqe këtij derbi i cili gjerë më tani ka qenë shembull në futbollin e Kosovës. Pjesa e dytë fillon me 25 minuta vonesë deri në qetësimin e situatës në mes tifozëve e klubeve . Rast të mirë shënimi tek Drita kishte Haxhimusa e Vuqaj në minutën e 54-të, por në dy rastet Koliqi shpëton portën e tij.

Fundamenti

“Bardhëkuqet”e Gjilanit arrijnë në epërsi në minutën e 66 Progni nga goditja e lirë nga 18 metra gjenë këndin e epërm të Malokut duke zhbllokuar rezultatin në 0-1. Në minutën e 72-të, Balde i Dritës ndëshkohet me kartonin e kuq.

Në minutën e 89-të, pas një kundërsulmi të shpejt Kelmendi nuk e pati vështirë ta mposht Malokun e Dritës për të vulosur derbin e 37 me rezultat 0-2. Pas kësaj fitore Gjilani zë vendin e 5 me 9 pikë, ndërsa Drita mbetet në pozitën e 3 me 11 pikë.

Në javën tjetër Gjilani do te takohet me Malishevën në Gjilan, ndërsa Drita do të jetë mysafirë i Dukagjinit./rajonipress/