Gjilani zhgënjen, nuk arrin të rishkruan historinë

Finalja e Kupës së Kosovës në futboll i ka takuar skuadrës së Prishtinës, e cila ka mposhtur Gjilanin me rezultat 2:0. Një kohë të gjatë “Skifterat” e Gjilanit e kishin pritur me kërshëri këtë finale duke udhëtuar mbi 2000 shikues drejt kryeqendrës, por futbollistët e Gjilanit kanë zhgënjyer si me paraqitje poashtu edhe me rezultat duke i dëshpëruar me të madhe tifozët e saj “Skifterat”.

“Bardhekuqëve” të Gjilanit asgjë nuk ju shkoi për dore, futbollistët e Prishtinës fillim e mbarim ishin më të mirë duke rrezikuar portën e Ene Koliqit të Gjilanit. Futbollistët e Gjilanit asnjëherë nuk arritën të rrezikojnë portën e portierit të Prishtinës Kolaj.

Zhbllokimin e rezultatit Prishtina e arrin në minutën e 65-të, rezervisti Genc Hamiti arrin ta mposht portierin Enea Koliqin. Në minutën e 77-të, Mërgim Pefqeli me një projektil nga 23 metra gjenë këndin e epërm të portierit Koliqi duke shënuar gol spektakular për rezultatin 2:0.

Në minutën e 90-të, Mevlan Zeka shënon me kokë por pas intervenimit të VAR-it goli u anulua sepse u konstatua se ishte pozitë jashtë loje.

Gjilani në këtë stinorë i mbetet të kënaqet me kualifikimin në garat evropiane, pasi në stinorin e rregullt përfundoj ne pozitën e tretë.