Hidromorava

Gjilani vazhdon të mbetet komuna më e pazhvilluar dhe me një klasë politike udhëheqëse më të dobët që nga pas lufta

/ 2 minuta lexim
Uji Dea

Gjilan – Komuna e Gjilanit dikur njihej edhe me epitetin si “Gjilani Evropian” ndërsa tani ka mbetur shumë mbrapa Vitisë e Kamenicës. Gjilani pos që ka mungesë të projekteve dhe thithje të investimeve është edhe qyteti me një klasë politike amatore dhe të dobët që nga pas lufta.

Marrja e pushtetit ose fitorja në zgjedhje është më shumë përgjegjësi se sa privilegj. Realisht kështu po ndodhë me qytetin e Gjilanit i cili tashmë është degraduar deri në skaj.

Pos që kemi mungesë të infrastrukturës dhe investimeve serioze e projekteve që do të duhej të realizoheshin, klasa qeverisëse aktuale e ka zgjedhur izolimin dhe dembelin. Ju mungon realisht dija e përvoja dhe kanë fare pak sens për të qeverisur.

E qytetarët janë edhe më të zëshëm kur është në pyetje Qeverisja e dobët komunale.

Lindriti qytetar gjilanas mendon se jo vetëm Alban Hyseni po komplet qeverisja komunale janë për të ardhur keq.

KKVITI

”Definitivisht Gjilani është qyteti më i goditur nga padituria dhe paaftësia. Vetëm shikojeni këndë e takon Alban Hyseni, ministrinë e drejtësisë të Maqedonisë i cili asnjë vlerë se ka për Gjilanin pos nëse Alban Hysenit i duhet për doktoraturë. Një kryetar që nuk e viziton stadiumin dhe nuk e sheh krimin që po ndodhë aty, për mua është i dështuar” shprehet Lindriti.

Mustafa qytetar shprehet se kuadrot e LVV i kish falë zoti vetëm për me sha e fy në rrjete sociale.

“Si është e mundur që një drejtor komune tërë ditën të postojë lajme të partisë ose të liderit, a gjendjen në sektorin e tij e ka katastrofë. Gjilani është njohur si qytet evropian dhe ku dominon pastërtia, kurse tani parku u degradua skajshmërisht dhe pothuajse të gjitha hapësirat publike” shprehet ai.

Limoni një qytetar tjetër mendon pak më ndryshe.”Fajet si ka Alban Hyseni po opozita e dobët sepse në një komunë normale Alban Hyseni asnjë minutë nuk ish kanë kryetar komune. Unë vet jam në LVV po jam tepër i dëshpëruar me këtë klasë politike të analfabetëve” shton ai./rajonipress/