Gjilani vazhdon me lojëra të dobëta, mezi mposhti Besën

Në javën e fundit të stinorit vjeshtor skuadra e Gjilanit më në fund ka arritur të shënoj fitore pas katër humbjeve radhazi por me atë se çka u zhvillua gjatë 90 minutave futbollistët e Besës së paku kanë merituar një pikë.

“Bardh e kuqët” e Gjilanit në stadiumin “Tahir Vokshi” në Brestovik të Pejës me bari sintentik ka arritur ta mposhtë Besën me rezultat 2-1 e cila ende nuk ka shijuar fitore në Superligën e futbollit të Kosovës.

Gerhard Progni në minutën e dytë nga goditja e lirë nga 30 metra gjuan furishëm duke gjetur anën e majtë të portierit Kolaj për të realizuar për 1-0.

Futbollistët e Besës kryesisht me futbollist të rinjë kanë mundur të shënojnë në minutën e 7 kur Salihu gjuan bukur por pret portieri Enea Koliqi.

Rast të mirë shënimi në fund të pjesës së parë kishte edhe Barbosa kur gjuan nga 7-8 metra por portieri Koliqi shpëton portën e paprekur.

Në pjesën e dytë në minutën e 49 Tahiri i vetmuar gjuan nga 16 metra por topi përfundon jashtë portës së Koliqit.

Në minutën e 62 pas një aksioni Qyrbja asiston për te Nikaq i cili nuk e pati të vështirë të shënoj për 2-0

Futbollistët e rinjë të Besës nëpërmjet Sylës në minutën e 77 shënojnë për të zvogëluar epërsinë në 2-1.

Katër minuta më vonë në atë 81 Tahiri humb rast tejet të volitshëm për të shënuar e golin e 2-2 por ja mohon portieri Koliqi.

Në minutën e 88 Busiq nuk shënon në portën e zbrazët.

Trajneri i Gjilanit Sallah Sherifi pas 90 minutave ka deklaruar:
“Skuadra jonë u paraqit mirë, Besa është skuadër e re e cila po jep lojëra të mira çka i përgëzoj për përformancën ne i shpërdoruam disa raste ne si skuadër kemi ambiciet tona kampionati është i gjatë ne do të kërkojmë Kupën dhe pozitat e larta në tabelë”

Futbollistët e Gjilanit të shtunën me 19 dhjetor zhvillojnë ndeshjen e mbetur në Suharekë ku takohen me Ballkanin për të përfunduar stinorin vjeshtor.

Gjilani me këtë fitore ja rrëmben pozitën e katër Feronikelit./rajonipress/

Shpërndaje.
© RAJONIPRESS