Gjilani vazhdon me humbje

Ndeshja e mbetur e javës së parë, në mes Prishtinës dhe Gjilanit, e zhvilluar sot në Prishtinë, ka përfunduar me fitoren e skuadrës nga kryeqyteti me rezultat 1-0.

Gjatë 90 minuta, u zhvillua një ndeshje e dobët dhe me shumë pak raste shënimi.

Futbollistët e Gjilanit, për 90 minuta patën vetëm një goditje në drejtim të portës, në minutën e 32-të, Wilber Perez, gjuan nga largësia por topi shkon jashtë portës.

Golin e fitores vendësit e shënuan në minutën e 79-të, pas një harkimi nga Jamal, më së miri në zonë gjendet Diar Miftaraj dhe me kokë shënon për t`i siguruar Prishtinës 3 pikë mjaft të vlefshme.

Pas ndeshjes trajneri i Gjilanit, Sedat Pajaziti deklaroi.
“Jam i kënaqur me posedimin e topit, por po kemi probleme që të krijojmë raste. Lojtarët kanë nevojë qe të njohin njëri tjetrin më mirë. Ne do të punojmë qe t`i përmirësojmë gabimet tona”. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).