Gjilani vazhdon garat për Kupë mposht Rininë
Gjilan – Në fushën e futbollit me bar sintetik, “bardh e kuqët” e Gjilanit, me lehtësi kanë përfunduar rrethin e tretë, në DigitALB Kupën e Kosovës në futboll duke e mposhtur skuadrën e Rinisë me rezultat 4-1.
Skuadra e Gjilanit ishte favorite absolute në ballafaqim me skuadrën e Rinisë nga Lybeniqi, e cila bën gara në Ligën B të futbollit të Kosovës.
Me një lojë të mirë, skuadra e Gjilanit me lehtësi në çdo element ishte më e mirë se skuadra mysafire.
Golashënues për “bardh e kuqët” e Gjilanit, ishin talenti Altin Aliu që shënoi dy herë ndërsa nga një herë shënuan Besart Morina e Armend Thaqi./rajonipress/