Gjilani transferon mbrojtësin Dajan Shehi
RajoniPress
20:42, 18 Gusht, 2023
| 8 muaj më parë
Gjilan – Skuadra e Gjilanit ka filluar me përforcimet pas ri-organizimit të klubit. Transferi i ri tek ‘Skifterat’ do të jetë mbrojtësi nga Shqipëria, Dajan Shehi.
Shehi kalon me parametra zero te Gjilani, ndërsa që nga korriku, pas mbylljes së bashkëpunimit me Vllazninë, ishte lojtar i lirë.
Një përforcim shumë i rëndësishëm për skuadrën kosovare qe ende nuk e ka nisur sezonin e ri, me Gjilanin që pas shumë ndryshimeve dhe emërimit të trajnerit Gentian Mezani po fillon të marrë formë për të nisur edicionin e ri 2023-2024.
Ndërsa më herët mbrojtësi 26-vjeçar ka luajtur edhe me Skënderbeun dhe Partizanin./rajonipress/
