Gjilani starton edicionin e garave me fitore

Gjilan – Futbollistët e Gjilanit me mjaft sukses kanë startuar në edicionin e ri të garave në stadiumin e qytetit në Gjilan, duke e mposhtur skuadrën e Besës me rezultat 2-1.

Ashtu siç është pritur futbollistët e Gjilanit gjatë 90 minutave treguan një lojë të mirë dhe të pjekur, duke shënuar fitore mjaft të rëndësishme në fillim të kampionatit.

Goli i epërsisë arrin në minutën e 30-të, Armend Thaçi mjaft mirë gjen sulmuesin e Gjilanit, Isa Eminhazirin, i cili sjell “bardh e kuqët” në epërsi me 1-0.

Epërsinë e Gjilanasve ka mundur shumë mirë ta ngrit Karahoda, së pari në minutën e 38 nga një pozitë shumë e mirë gjuan jashtë portës, ndërsa në minutën e 41 portieri mysafir mbron me mjaft sukses gjuajtjen e tij.

Në minutën e 53-të, mesfushori Mustafa me mjeshtri gjen sulmuesin e tij këmbëshpejtë Gëzim Rusin,i cili shënon për rezultatin 2-0.

Edhe pse kishte iniciativë në fushë, futbollistët e Gjilanit më tepër kërkonin të ruajnë këtë epërsi, në minutën e 82-të, Hyseni i Gjilanit bën një gabim fatal e këtë më së miri e shfrytëzon futbollisti i Besës, Altin Merlaku, i cili zbut epërsinë në 2-1.

Në javën e dytë futbollistët e Gjilanit do të takohen me Feronikelin në Drenas./rajonipress/