Gjilan – Nëpër rrugët e qytetit në Gjilan pothuajse të gjitha rrugët janë të kalueshme, me përjashtim rruga e Ferizajit e cila ende ka ngrica. Gjendja më e rënduar paraqitet në fshatrat kufitare.
Të dielën çdo vozitës duhet të ketë kujdes maksimal kur del në rrugë. Policia e Kosovës ka apeluar disa herë që vozitësit të pajisen me zinxhir dhe goma të dimrit. Bora që ra tërë natën dhe të dielën në mëngjes ka vështirësuar shumë rrugë në rrethinën e Gjilanit.
Kompania po bënë gjithçka që rrugët të jenë të kalueshme, por vërehen vështirësi për shkak të ngricave dhe borës. Policia edhe sot ka apeluar për kujdes të shtuar në komunikacion./rajonipress/
