Gjilani sjell përforcimin e parë

Gjilan – Anëtari i ri i Superligës së Kosovës KF Gjilani po bën përpjekje maksimale që të komponoj skuadrën për sfidat e reja që e presin në Superligën e Kosovës në futboll.

Siç bënë të ditur drejtori i “bardh e kuqëve” të Gjilanit Agron Korqa në skuadrën e tyre kanë arrit marrëveshje me futbollistin nga Ferizaji, Gzim Rusi.” Është e vërtetë që kemi arritur gjuhë të përbashkët për një vit dhe Rusi do t`i prijë repartit sulmues të skuadrës sonë”.

Sulmuesi i ri i Gjilanasve, njëherit është futbollist edhe i Përfaqësueses së Kosovës U 21.

Zyrtarët e skuadrës së Gjilanit ishin në negociata me disa trajner të mirënjohur të futbollit të Kosovës siç ishin Afrim Tovërlani, Ismet Munishi e Sami Sërmaxhaj, por nuk kanë gjetur gjuhë të përbashkët.

Më herët dorëheqje nga timoni i Gjilanasve kishte dhënë Sadullah Ajeti.

Siç bëjnë të ditur zyrtarët e Gjilanit janë në bisedime edhe me disa futbollist të tjerë./rajonipress/