Gjilani siguron qëndrimin në Superligë me fitore kundër Dukagjinit

/ 1 minutë lexim
Mobi Casa

SC Gjilani ka siguruar qëndrimin në Superligën e Kosovës për stinorin e ardhshëm, pasi shënoi një fitore të rëndësishme kundër Dukagjinit në Klinë.

Ndeshja përfundoi me rezultatin 2:4 në favor të “Skifterave.” Golin e parë e shënuan vendasit në minutën e 14-të me anë të Blerind Morinës.

Megjithatë, Gjilani arriti të barazojë vetëm dy minuta më vonë, kur Jaroviq shënoi në minutën e 16-të. Dukagjini kaloi përsëri në epërsi në minutën e 24-të, me golin e Osman Mëziut.

Fundamenti

Pas pushimit, Gjilani barazoi rezultatin në minutën e 46-të me një gol nga Acka. Ekipi mysafir mori epërsinë në minutën e 72-të kur Basha shënoi, dhe Jaroviq vulosi fitoren në minutën e fundit të ndeshjes, duke siguruar qëndrimin e skuadrës së Gjilanit në Superligë.

Kjo fitore ishte shumë e rëndësishme për SC Gjilanin, duke e siguruar një sezon të ardhshëm në elitën e futbollit kosovar.