Gjilan – Të mërkurën “Lëvizja Qytetare Vatra” në bashkëpunim me shoqërinë civile mbajti një protestë simbolike me moton: “Gjilani si rrotë rezervë”.
Protestë në të cilën u shfaq pakënaqësia në lidhje me mospunën e kryetarit Haziri, apo më saktë në lidhje neglizhencën që ky i fundit po ia bënë Gjilanit, duke u marrë vazhdimisht me punët e Prishtinës, e duke e harruar Gjilanin krejt.
Durim Kadriu nga “LQV”, Avni Rudaku nga shoqëria civile si dhe Sokol Haziri, aktivist politik dhe ish drejtor i shërbimeve publike në Gjilan, e kritikuan kryetarin Haziri për këtë neglizhencë që po ia bënë Gjilanit, dhe kërkuan që Gjilanin të mos ta përdor vetëm për t’u fuqizuar në Prishtinë, por të merret me punët për të cilat është zgjedhur kryetar. Punë të cilat me vite presin për t’u kryer.
Hazirin e kanë kritikuar gjithashtu edhe për mosmarrjen e masave të duhura në lidhje me mungesën e ujit. Për fund organizatorët kërkuan që edhe qytetarët e Gjilanit të jenë më aktiv në kërkimin e përgjegjësive ndaj udhëheqësve të tyre./rajonipress/
