Gjilani shpëton në minutat shtesë, për pak sa nuk u korit

Futbollistët e Gjilanit në ballafaqim me KEK-un, i cili ka vetëm një pikë në konton e saj, për pak sa nuk u korit.

Futbollistët e Gjilanit ju deshtë plot 94 minuta ti mbaj në ankth dashamirët e saj për ti arkëtuar tri pikë tejet të vlefshme dhe për ti ikur zonës së barazhit duke shënuar dy gola për dy minuta.

Futbollistët e Gjilanit si duket ende janë në “gjumë dimëror”, ata nga 5 ndeshje kampionale pranverore kanë pësuar 3 humbje e dy barazime.

“Bardh e kuqët” e Gjilanit, edhe ndaj skuadrës së çregjistruar të KEK-ut, treguan përformancë tejet të dobët pa raste shënimi.

Gjatë 90 minutave Gjilanasit krijuan dy gjysmë raste shënimi, Razak Keita në minutën e 7-të nuk ishte i kujdesshëm dhe në minutën e 68-të, Fiton Hajdari gjuan me kokë por Drin Hoda, “gardiani” i KEK-ut ishte në vend.

Mysafirët poashtu nga dy gjysmë raste tentuan të mposhtin portierin Donat Kaqiun por nuk arritën.

Së pari Stullqaku në minutën e 20-të, por mbrojtja e Gjilanit intervenon dhe në minutën e 36-të, Amir Prishtina gjuan me kokë por Kaqiu ishte në vend.

Kur të gjithë në shkallët e stadiumit për çdo moment pritnin fërshëllimën e fundit të arbitrit nga Prishtina Alban Shala, në skenë del sulmuesi Shpend Asani në minutën e 94-të, i cili nga 10 metra mposht “gardianin” e “elektricistëve” Drin Hodaj.

Një minutë më vonë “bardh e kuqët” shënojnë edhe golin e dytë të kësaj ndeshje tejet të dobët nga futbollistët e Gjilanit, autor ishte Wiber Perez duke i dhënë fund kësaj ndeshje me plot ankth për tifozët “Skifterat”.

Në javën e 24-të, Gjilani është nikoqirë i Trepqës’89./rajonipress/