Gjilani shpërndan laptopë për nxënësit në Gadish, Kishnapole dhe Sllakoc

Gjilan – Drejtoria Komunale e Arsimit në Gjilan, ka bërë sot shpërndarjen e laptopëve për nxënësit e fshatrave Gadish, Kishnapole, Sllakoc të Epërm dhe të Ulët, donacion ky që është dhënë nga kryetari Lutfi Haziri dhe ndërmarrja Elkos Group.

Drejtori i DKA’së, Nazim Gagica, tha se janë zgjedhur fëmijët e familjeve me gjendje të rëndë ekonomike dhe sociale duke u mbuluar numër i konsiderueshëm i nxënësve nga këto fshatra.

“Mësimi në distancë është një brengë e vazhdueshme për Komunën e Gjilanit në vazhdimësi gjatë përballjes me pandeminë globale Covid-19. Sot kemi mbështetur një numër të konsiderueshëm të nxënësve të këtyre fshatrave me laptop dhe ata tashmë kanë qasjen në orët mësimore. Këto pajisje që janë dhënë falas për nxënësit e këtyre anëve janë donacion nga kryetari i Komunës së Gjilanit Lutfi Haziri dhe ndërmarrja Elkos Group”, ka njoftuar drejtori, Nazim Gagica.

Njëkohësisht Gagica ka bërë të ditur se kërkesa është balancuar me nevojën dhe kushtet e familjeve, sepse nuk kishte më shumë sasi në këtë fazë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).