Gjilani shfryhet në “autsajderin” e Superligës tek Besa

Gjilani e Besa e Pejës kanë përmbyll javën e 27 të Superligës së Kosovës në futboll, në stadiumin e qytetit në Gjilan e cila ka përfunduar me rezultat 5-1.

Me këtë fitore “bardhekuqët” e Gjilan janë komod në mesin e tabelës, ndërsa Besa që nga stinori vjeshtor është përshëndet nga Superliga e Kosovës në futboll.

Futbollistët e Gjilanit edhe pse krijuan disa raste shënimi u deshtë që pas 28 minuta lojë të shënojnë në portën mysafire, e këtë e realizoi Arbër Qyrbja duke shënuar një gol mjaft të bukur.

Katër minuta më vonë mysafirët arrinë të barazojnë në 1-1 nga pika e bardhë i pa gabuar ishte Ardit Tahiri.

Në fund të pjesës së parë Muhamet Useini arrinë të ngrisë epërsinë e Gjilanit në 2-1.

Në minutën e 59-të, Gerhard Progni nga goditja direkte shënon gol të bukur duke ngrit epërsinë në 3-1.

Pas një gabimi trashanik të portierit mysafirë Haxhijaj në minutën 63-të i cili shkakton penallti Hila ishte i pagabuar duke shënuar për 4-1.

Goli i fundit në këtë ndeshje jo të barabartë u shënua në minutën e 67-të Keita Rezak me një goditje të fuqishme e detyron portierin e Besës që për herë të pesta ta nxjerr topin nga rrjeta e tij.

Me këtë fitore Gjilani zë pozitën e katërt me 40 pikë, ndërsa Besa e fundit me 10 pikë.

Në javën e 28-të, Gjilani do të jetë nikoqirë i Feronikelit nga Drenasi./rajonipress/