Gjilani shënon fitoren e parë historike në ndeshje kampionale kundër Prishtinës

Në javën e VIII-të, të Superligës në futboll, skuadra e Gjilanit ka arritur të bën histori duke shënuar fitoren e parë në stadiumin “Fadil Vokrri” në ndeshje kampionale, duke e mposhtur Prishtinën me rezultat 2-0.

Për dallim nga ndeshja e kaluar ndeshjen e drejtoi ndihmës trajneri Alban Hyseni, Hyseni edhe pse ishte në këtë ndeshje ai nuk e drejtoi skuadrën ndërsa ndeshjen e drejtoi nga banka drejtori i Gjilanit, Sallah Sherifi, në mungesë të trajnerit Gentjan Mezani, i cili po theksohet nga taborri i Gjilanit se ka probleme familjare dhe pritet të rikthehet pas 3-4 javëve.

Futbollistët e Gjilanit arrinë në epërsi në minutën e 13-të nga penaltia, pasi më herët ishte ndalur në mënyrë të palejuar Edison Kqiku dhe arbitri Selim Isufi akordon penalti, dhe nga pika e bardhë i pa gabuar ishte kapiteni Fiton Hajdari.

Në minutën e 23-të, Krasniqi i Prishtinës gjuan nga distanca furishëm por portieri Enea Koliqi i cili sot ishte në nivel të detyrës mbron për mrekulli.

Një gjë të tillë Krasniqi e provon edhe në minutën e 38-të, por golin ja mohon edhe një herë Koliqi.

Në minutën e 65 mbrojtësi i djathtë i Gjilani, Frashëri, luan me dorë brenda zonës, dhe arbitri Selim Isufi akordon penallti, Endrit Krasniqi gjuan nga penaltia por Koliqi mbron duke shpëtuar rrjetën e tij.

Futbollistët e Prishtinës në minutën e 90 lëshojnë rastin më ideal të barazojnë rezultatin por Otto John nga afërsia gjuan jashtë portës.

Tre minuta më vonë në lojën shtesë “bardhekuqët” e Gjilanit vulosin gjithçka pas një kundërsulmi të shpejt Gerhard Progni i cili zëvendësoi Nikaqin me gjuajtje precize nga 16 metra mposht portierin Haxho të Prishtinës.

Pas ndeshjes, Sallah Sherifi, i cili drejtoi Gjilanin në këtë ndeshje deklaroi.
“Këtë fitore ju dedikoj tifozve “Skifterave” në veçanti tifozit i Engjull Smërqakut i cili ndërroi jetë para disa ditëve. Gjatë kësaj ndeshje kemi pasur shumë kujdes, treguam karakter por treguam cilësi dhe lojë të mirë, i përgëzoj futbollistët për angazhim”.

Në javën e IX-të, Gjilani është nikoqirë i Besës së Pejës./rajonipress/