Skuadra e Gjilanit pas javës së V-të, ka arritur e vetmuar ta kryeson tabelën e Superligës së Kosovës duke e mposhtur Ballkanin e Suharekës me rezultat 1-0.
Për “bardh e kuqët” e Gjilanit skuadra e Ballkanit tani e një kohë të gjatë ishte “macja e zezë” duke i shkaktuar humbje të njëpasnjëshme por kësaj radhe Gjilanasit u treguan të vëmendshëm.
Në fillim të ndeshjes lëndohet në gjurin e këmbës së majtë Kushtrim Shabani futbollisti i Gjilanit, por sipas informatave ai pritet të rikthehet shumë shpejt në fushën e blertë.
Mysafirët ishin ata që të parët rrezikuan portën e Gjilanit, Artur Magani, gjuan furishëm por Haxhihamza ishte në vend.
Me të filluar pjesa e dytë futbollistët e Gjilanit gjejnë rrjetën e portierit Armend Ruxhit, sulmuesi Gerhard Progni së pari gjuan Ruxhi mbron shkurtazi ndërsa në të dytin tentim Progni gjenë këndin e poshtëm të “gardianit” mysafirë Ruxhit duke realizuar për 1-0.
Gjerë në fund të takimit të dy skuadrat më tepër u përqendruan me kundërsulme por nuk arritën të shënojnë në portat kundërshtare.
Me këtë fitore, “bardh e kuqët” i prinë tabelës të vetmuar me 12 pikë të tubuara.
Trajneri i Gjilanit, Gentjan Mezani, pas ndeshjes ka deklaruar.
“Kemi arritur të fitojmë një ndeshje shumë të vështirë, jam i kënaqur me këtë fitore nuk bëmë ndeshje të mirë për sy por për momentin ne kemi synim se si ti mposhtim kundërshtarët tanë, ne do t`i marrim ndeshjet një nga një pasiqë çdo ndeshje e ka peshën e vet”.
Në javën e VI-të, Gjilani do të jetë mysafirë i Prishtinës./rajonipress/
