Gjilani shënon fitore për “gjumë të rehatshëm”

Gjilan – Futbollistët e Gjilanit në javën e 28-të, në Superligën e Kosovës në futboll kanë shënuar fitore duke i mposhtur Trepçën 89 me rezultat 2-0.

Kjo fitore skuadrën e Gjilanit e rehaton në mesin e tabelës duke arkëtuar 43 pikë, ndërsa gjerë në përfundim të kampionatit kanë mbetur edhe pesë javë.

Deri në minutën 26-të, asnjëra skuadër nuk rrezikuan në portat kundërshtare, në këtë minutë mbrojtësi Armend Thaqi pasi depërton bukur nga ana e djathtë harkon duke gjetur Gëzim Rusin, i cili me një goditje të saktë nga 15 metra gjenë këndin e poshtëm të portierit Bledar Hajdinit, duke sjell skuadrën e tij në epërsi 1-0.

Në minutën e 36-të, Gëzim Rusi pasi shmang dy futbollist mysafirë gjuan bukur, por kapiteni mysafir Arbër Potoku për pak sa nuk mposht portierin e tij.

Në minutën e 57-të, Përparim islami harkon me kokë nga 8 metra Fiton Hajdari godet shtyllën pingule të portierit të Gjilanit, Donat Kaciut.

Dy minuta më vonë në atë 59-të, mbrojtja e “Minatorve” gabon e këtë më së miri e shfrytëzon Betim Haxhimusa, i cili nga 18 metra me gjuajtje precize mposht “gardianin” e Trepcës’89, Bledar Hajdinin.

Pas ndeshjes trajneri i Gjilanit, Alban Hyseni deklaroi.

“Ishte një ndeshje shumë e rëndësishme për skuadrën tonë, kishim përball kampionin aktual të Kosovës është fitore shumë me rëndësi për tu stabilizuar në mesin e tabelës edhe pse ka ndeshje ende, ne nuk do të ndalim duke punuar”.

Në javën e 29-të, Gjilani është mysafire në Prizren ku do të takohet me Lirinë./rajonipress/