Gjilani shënon fitore pas katër humbjeve rresht

Gjilan – Futbollistët e Gjilanit përpos që nuk kanë shënuar fitore në katër javët e kaluara, ata nuk kishin shënuar edhe gol, “bardh e kuqëve” të Gjilanit ju deshën plotë 402 minuta për të shënuar gol në portën kundërshtare.

Futbollistët e Gjilanit me lojë të plogësht arritën të mposhtin Istogun me rezultat 1-0, ballafaqim i vlefshëm i javës së 25-të Superligës së Kosovës në futboll.

Futbollistët e Gjilanit nuk janë as hija e edicionit vjeshtor, në radhët e Gjilanasve përpos që mungojnë fitoret mungojnë edhe aksionet dhe papërgjegjësi totale e futbollistëve gjatë 90 minutave.

Mysafirët ishin të parët që rrezikuan portën e Gjilanit në minutën e 20-të, kur Fatlum Gashi godet një projektil nga 30 metra por Donat Kaciu ishte i vëmendshëm duke dëbuar topin jashtë vijës fundore të tij.

Një minutë më vonë në atë 21-të Dukagjin Gashi gjuan nga 13 metra Kaciu mbron dëbon topin shkurtazi aty gjendet Morina i mysafireve gjuan në port, por nga vija fundore duke shpëtuar gol të sigurt intervenon Arbër Shala.

Në minutën e 25-të Bahri Kera i Gjilanit gjuan nga 8-të metra me kokë por portieri mysafir Valmir Hajrizaj mbron.

Mysafirët në minutën e 30-të arrijnë nëpërmjet Bajramajt nga 27 metra të godasin horizontalen e Gjilanit.

Më meritori për fitoren e sotme të Gjilanit, ishte portjeri Donat Kaciu i cili shpëton gol të sigurt në minutën e 34-të kur Victor Hamed ishte i vetmuar por Kaciu shpëton gol të sigurt.

Mysafirët në minutën e 44-të nga 7 metra Hoxha i vetmuar gjuan, por Kaciu me mbrojtje bravuroze shpëton portën e tij.

Me të filluar pjesa e dytë në minutën e 47-të pas një tollovie nga 7 metra më së miri gjendet Egzon Shabani i cili shënon duke i sjellur tri pikë skuadrës së tij.

Dy vëllezërit Dukagjin e Fatlum Gashi kishin raste të mira të shënonin në minutën 70 e 77-të, por gjuajtjet e tyre nuk ishin precize./rajonipress/

GJILANI – ISTOGU 1-0 (0-0)

Stadiumi i qytetit në Gjilan
Shikues rreth-700
Gjyqëtar Isufi, Muhadri, Hyseni , Tahiri.
Kartona të verdhë – Kera (Gj)

GJILANI- Kaciu, Kastrati, (Salihu), Hyseni, jamal. E,Hyseni, Shala, Kera, Shabani, Haxhimusa, Rexhepi(Morina)
Rusi.

ISTOGU- Hajrizaj, Morina, Cacaj, Magjarraj, Shabanaj(Rama), K,Gashi, Hemedi, Bajramaj, F,Gashi,
D,Gashi, Duraku.