Gjilani publikon listën për faljen e borxheve ndaj tatimit në pronë

Gjilan – Komuna e Gjilanit ka publikuar sot listën e emrave të përfituesve të faljes se borxheve për personat fizik dhe juridik për tatimin në pronë.

Kryetari i Komunës së Gjilanit, Lutfi Haziri, ka bërë apelin e fundit për të gjithë qytetarët që kanë obligime të pakryera nga janari i vitit 2009 e deri më tash, që përfshinë tatimin në pronë, taksat dhe të hyrat komunale, lejet urbane dhe të hyrat tjera që vijnë nga ndërtimi, t’i kryejnë ato përndryshe Komuna do të filloj grumbullimin e mjeteve përmes përmbaruesve privat, duke bllokuar xhirollogaritë bankare në mënyrë që të inkasohen mjetet në këtë formë.

Të gjithë të interesuarit për informata shtesë mund të lajmërohen në sportelet e zyrave të tatimit në pronë, e cila gjendet të administrata e përgjithshme, kati i parë. Për të parë listën, klikoni në uebfaqen e Komunës së Gjilanit: http://kk.rks-gov.net/gjilan./rajonipress/