Gjilani pëson humbje në Prizeren

Futbollistët e Gjilanit në javën e 29-të, në udhëtim në Prizeren në ballafaqim me Lirinë ka pësuar humbje me rezultat 3-2.

“Bardh e kuqët” e Gjilanit, me atë se çka zhvilluan gjatë 90 minutave kanë merituar së paku një pikë, por futbollistët Gjilanas nga rastet e shumta dështuan të shënojn.

Futbollistët e Lirisë qysh në sekondat e para të ndeshjes kanë mundur të shënojnë, Magani gjuan por Donat Kaqiu shpëton gol të sigurt.

Në minutën e 9-të, Elton Basriu me kokë nga afërsia sjell skuadrën e tij në epërsi në 1-0.

Në minutën e 29-të Vrapi luan me dorë, arbitri Kosumi akordon 11 metërsh, por i saktë nuk ishte Haxhimusa duke goditur pingulen e portierit Bakaj.

Futbollistët e Gjilanit në minutën e 36-të barazojnë, pas harkimit nga këndi kapiteni Ylber Kastrati shkëputet mirë me kokë barazon shifrat në 1-1.

Mbrojtësi Armend Thaqi në minutën e 43-të, godet horizontalen e Lirisë.

Ndërsa dy minuta më vonë, Artur Magani me mjeshtri shënon duke ngrit epërsin për skuadrën e tij 2-1.

Në minutën e 64-të, Rron Gashi gjuan fuqishëm nga 17 metra Kaqiu mbron shkurtasi, topi dëbohet gjerë te Magani i cili ngrit epërsinë në 3-1, njeherit ky ishte goli i tij i 13-të në Superligë.

Në minutën e 72-të, vendasit nëpërmjet Florent Avdylit godasin shtyllën e Gjilanasve.

Në minutën e 74-të, rezervisti Kqiku harkon më së miri gjendet Betim Haxhimusa i cili nga 8 metra mposht portierin Bakaj.

Futbollistët e Gjilanit plot 15 minuta zhvilluan ndeshjen me një futbollist më shumë pasiqë futbollisti, Domxhoni i Lirisë pas dy kartonave të verdh merr të kuqin.

Trajneri i Gjilanit, Alban Hyseni, pas 90 minutave ka deklaruar.
“Bëmë shumë gabime në lojë, kjo na u hakmorr në rezultat bëmë gabime si në mbrojtje njashtu edhe në mesfushë, krijuam raste nuk i konkretizuam në disa raste skuadra ka humbur ekuilibrin në lojë, nuk di se çka ndodhi por na presin sfida tjera”.

Në javën e 30-të,Gjilani është nikoqir i rivalit të saj Dritës./rajonipress/