Gjilani përmbyll stinorin vjeshtor me fitore në Mitrovicë

Gjilan – Në javën e fundit të Vala Superligës së Kosovës në futboll, futbollistët e Gjilanit kanë zhvilluar ndeshjen futbollistike si mysafire me Trepçën në Mitrovicë duke shënuar fitore me rezultat 0-2.

Në gjysme lojën e parë dy skuadrat patën nga një gjysmë rast së pari në minutën e 5-të Abdyli i vendësve provon nga 25 metra por gjuajtja e tij përfundon jashtë portës së Faton Malokut.

Në të njëjtën mënyrë tenton edhe Azem Ahmeti në minutën e 22, por gjuajtja e tij përfundon mbi portën e Manxhollit të ‘xehetarëve’.

Tre minuta para se të përfundojnë 45 minutat e parë Azem Ahmeti harkon në zonë të rreptësisë më së miri gjendet mesfushori Zgjim Mustafa i cili me kokë gjenë rrjetën e Manxhollit duke sjellë skuadrën e tij në epërsi në 1-0.

Në pjesën e dytë futbollistët e Gjilanit ishin shumë më të rrezikshëm në minutën e 58 futbollisti më i mirë sot në fanellën e Gjilanit Zgjim Mustafa gjuan drejt portës por topi nuk arrinë vijën fundore të vendësve.

Dy minuta më vonë futbollistët e Gjilanit organizojnë një aksion të rrjedhshëm e këtë më së miri e realizon Shabani i cili ngrit epërsinë e skuadrës së tij në 2-0.

Rast të mirë pati edhe Haxhimusa i Gjilanit në minutën e 83 por në momentin e fundit ngatërrohet duke dështuar para portës së Manxhollit./rajonipress/

Trepça: Manxholli, Voca, Shabani, Berisha, Kutllovci, Ahmeti, Avdyli, Hyseni, Baliqi, Sahiti, Muja.

Gjilani: Maloku, Arm.Thaçi, Kastrati, Bekteshi, Blakçori, Arb.Thaçi, Mustafa(Gashi), A.Ahmeti, B.Ahmeti(Haxhimusa), Nebiu, Eminhaziri.

Gjyqtarë: B.Jahmurataj, J.Musolli, B.Morina, I.Shuleta