Gjilani përkujton Xhavit Ahmetin në 23-vjetorin e vdekjes tragjike

Gjilan – Në 23-vjetorin e vdekjes tragjike të prof. dr. Xhavit Ahmeti, nënkryetari i Gjilanit, Arbër Ismajli, i shoqëruar nga kryesuesja Shpresa Kurteshi Emini dhe drejtorët komunal, kanë bërë homazhe tek busti i tij në kampusin e shkollave të mesme dhe tek lapidari në fshatin Përlepnicë.

Nënkryetari i Komunës, Arbër Ismajli, ka thënë se gjithmonë do të përkulen para veprës së madhe të Xhavit Ahmetit, duke thënë se ai ka qenë bashkëpunëtor i presidentit Rugova, për të shtuar se ai ka qenë i të gjithëve, jo vetëm i familjes.

Kryesuesja e Kuvendit Komunal të Gjilanit, Shpresa Kurteshi Emini, pohoi se Xhavit Ahmeti vazhdon të mbetet gjithmonë njëri nga personalitetet, i cili me kapacitetin e tij profesional dhe njerëzor, ka dhënë shumë për arsimin shqip, për Gjilanin dhe për Kosovën.

Në emër të familjes ka folur vëllai i Xhavit Ahmetit, ish ministri i Transportit, Qemajli, i cili e ka falënderuar Komunën e Gjilanit në krye me Lutfi Hazirin për nderimin që po ia bëjnë figurës së tij.

“Për ne është ditë e rëndë dhe na kthen para 23 vjetësh në ditën e vdekjes, por këtë dhembje po na e largojnë njerëzit anë e mban Kosovës. Gjilani nuk e ka harruar asnjëherë respektin për figurën e Xhavit Ahmetit. Prandaj, përpos dhembjes e kemi edhe krenarinë”, tha Qemajl Ahmeti. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).