Gjilani përforcon pozitën e tretë

Skuadra e Gjilanit ka shënuar fitore shumë të rëndësishme kundër Dukagjinit me rezultat 2:0.

Në kuadër të xhiros së 32-të të elitës së futbollit të Kosovës, SC Gjilani të mërkurën në terrenin me bar sintetik në Gjilan, fitoi ndaj Dukagjinit me dy golat e shënuar nga Mevlan Zekës.

Zeka golin e parë e shënoi në minutën e 28-të. Në minutën e tetë të kohës shtesë, pas një goditje nga këndi skuadra e Dukagjinit kërkoi penallti, por gjyqtari nuk ndaloi lojën dhe Zeka me një kundërsulm shënon golin e dytë për ‘Skifterat’.

Gjyqtari Alban Shala pasi rishikoi situatën në VAR, vendosi që goli është i rregullt dhe penallti nuk ka.

Gjilani pas kësaj fitore ka 50 pikë dhe zë pozitën e tretë në tabelë, ndërsa në fundjave takohet me Prishtinën në kryeqytet./rajonipress/