Gjilani përfaqësohet denjësisht në manifestimin tradicional “Festa e Abetares”

Gjilan – Ardiana Morina Abdyli mësuese në SHFMU “Thimi Mitko” në Gjilan tha se së bashku me nxënësit e klasës së parë ka përfaqësuar në mënyrë dinjitoze qytetin e Gjilanit, në manifestimin tashmë tradicional të mbajtur në Prizren. E kënaqur është ndarë edhe Mirlinda Bunjaku koordinatore e festës.

Ministria e Arsimit, Shkencës dhe Teknologjisë më 17. 05 .2019 ka organizuar manifestimin tradicional Festa e Abetares, me moton “Ne festojmë të bashkuar”, e cila është mbajtur në Sallën e Sporteve “Sezai Surroi”, në Prizren.

Në këtë manifestim, të pranishmëve u janë drejtuar me fjalë rasti, ministri i Arsimit,Shkencës dhe Teknologjisë, Shyqiri Bytyqi dhe ministrja e Arsimit, Sporteve dhe Rinisë, Besa Shahini. Këtë ngjarje të rëndësishme për fëmijët e klasave të para e ka përshëndetur edhe përfaqësuesja e Ministrisë së Arsimit të Maqedonisë, Adriana Shehu.

Në manifestimin tradicional “Festa e Abetares” janë paraqitur me program kulturo-artistik nxënësit e shkollave të përzgjedhura nga Kosova, Shqipëria, Maqedonia dhe Lugina e Preshevës.

“Ne si shkollë kishim privilegj dhe kënaqësi që përfaqësuam komunën e Gjilanit. Unë si koordinatore isha e kënaqur me bashkëpunimin e Drejtorisë së Arsimit në Gjilan dhe drejtoreshës së shkollës “Thimi Mitko” e ne veçanti me mësuesen Ardiana Morina Abdyli. I përgëzoj nxënësit që na përfaqësuan denjësisht qytetin tonë. Po ashtu edhe prindërit për kontributin e tyre. Suksese në hapat drejt diturisë”./rajonipress/