Gjilani pajtohet me barazhin

Gjilan – Shënues: Lirian Ferati 47’ – Egzon Krasniqi 44’, Blendi Bregovina 65’. Gjilani ka pësuar edhe njëherë në fushë të vet dhe tashti i ka humbur të gjitha gjasat se mund të inkuadrohet në Superligë në mënyrë të drejtpërdrejtë. Gjilani tashti rangun më të lartë të garave mund t’a kërkojë vetëm nëpërmjet ndeshjes së barazhit. Ata sot janë mposhtur nga ekipi i Kosovës së Prishtinës, i cili po lufton për mbetje në ligë.Gjilani – Kosova (P) 1:2 (0:1).

Gjilanasit u pa se nuk janë të interesuar për fitore, andaj që në start janë paraqitur me një përbërje të dytë. E tërë pjesa e parë është zhvilluar në mes të fushës dhe kështu në gjuajtjen e parë në portë mysafirët kanë kaluar në epërsi. Egzon Krasniqi, nga anash ka gjuajtur dhe topi mbi duart e portierit Xhemajli është përplasur në rrjetë. E tërë kjo ka ndodhur në minutën 44.

Në pjesën e dytë, posa ka filluar loja, Lirian Ferati nga një pozitë ballore ka gjuajtur dhe e ka barazuar rezultatin. Mysafirët ia kanë dalë të shënojnë golin e fitores në minutën 65, kur Bregovina shpërtheu deri në brendi dhe me një gjuajtje të fortë ka qëlluar këndin e poshtëm të majtë të vendasve.

Gjilani – Kosova (P) 1:2 (0:1)

Stadiumi i Qytetit në Gjilan. Shikues: 50. Gjyqtarë: Festim Dogani, Hivzi Osmani, Nexhat Bajrami. Shënues: Lirian Ferati 47’ – Egzon Krasniqi 44’, Blendi Bregovina 65’. Kartoni i verdhë: Ferati.

Gjilani: A. Xhemajli, Hyseni (G. Kosumi), S. Kosumi, Ferati, Kastrati (Tahiri), B. Xhemajli, Ramadani, Marovci, Dubova, Arifi, Leka. Trajner: Sadullah Ajeti.

Kosova (P): Rexhepi, Ferati, Ademi, Kryeziu, G. Krasniqi, Zeqiri, Bregovina, Durmishi, E. Krasniqi, K. Krasniqi (Pajaziti), Zeka (Uka), Trajner: Naim Pevqeli./rajonipress/.