Gjilani organizator i turneut mbarëkombëtarë në hendboll

Gjilan – Për nder të 100 vjetorit të Pavarësisë së Shqipërisë KH “Zhegra” organizon nga data 20-21 nëntor turneun mbarëkombëtarë në hendboll i cili mbahet nën patronatin e kryetarit të komunës ku pritet të marrin pjesë katër klube nga Kosova , Shqipëria e Maqedonia.

Komuna e Gjilanit do të jetë e vetmja në Kosovë që do të organizojë turnirin mbarëkombëtarë në hendboll për nder të 100 vjetorit të Pavarësisë së Shqipërisë. Në këtë turnir i cili organizohet nga KH “Zhegra” pritet të marrin pjesë katër ekipe nga Kosova, Shqipëria e Maqedonia.

Bajram Isufi kryetar i KH “Zhegra” dhe Veton Nevzadi drejtor i kulturës dhe sportit kanë mbajtur një takim me gazetarët duke e cilësuar këtë turnir si një pasuri dhe begatim në fushën e sportit.

Bajram Isufi tha se turniri është mbarëkombëtarë dhe në te pritet të marrin pjesë KH “Tirana”, KH “Rinia” nga Maqedonia , derisa nga Kosova pritet të marrë pjesë KH “Drenica”.

Veton Nevzadi drejtor i kulturës tha se ky zhvillim dhe ky turnir e begaton jetën sportive për nder të festave të nëntorit. Turniri mbahet nën patronatin e kryetarit të komunës dhe të drejtorisë së kulturës dhe fillon më 20 e 21 nëntor./rajonipress/