Gjilani nuk mundi ti bën ballë Llapit

Në javën e 10 të Ipko Superligës së Kosovës në futboll, skuadra e Llapit e ka mposhtur me rezultat bindës Gjilanin 3-1.

Ashtu siç është pritur se “bardh e kuqët” e Gjilanit, do ta kenë vështirë në këtë përballje ajo edhe ndodhi, në minutën e 6-të, Festim Alidema ngrit epërsinë në 1-0.

Futbollistët e Gjilanit në minutën e 40-të, nuk konkretizojnë nga pika e bardhë gjuajtjen e Nikës portieri Afrim Ademi e mbron në mënyrë bravuroze.

Egzon Sinani në minutën e 55-të, me kokë mposht Kaqiun e Gjilanit, ndërsa një minutë më herët Gjilanasit i shpëton horizontalja pas gjuajtjes së Rexhepit.

Rezervisti Egzon Zeqiri në minutën e 67-të, shënon gol të bukur pasi më herët shërbehet mirë nga bashkëlojtari i tij Namani.

Golin e nderit për Gjilanasit e shënon mbrojtësi Magani, pas disa kombinime të mira shënon nga 14 metra për rezultatin përfundimtar 3-1.

Pas ndeshjes trajneri, Sedat Pajaziti ka deklaruar
“Në disa momente të caktuara kemi luajtur mirë, futbollistët ende nuk po e kuptojnë mirë njëri tjetrin, na duhen disa përforcime më shumë se 6 futbollist cilësor nuk i kemi në skuadër”.

Në javën e ardhshme futbollistët e Gjilanit janë nikoqir të Feronikelit./rajonipress/