Gjilani nuk din për fitore drejt barazhit

Në javën e 29 në stadiumin “Rexhep Rexhepi” në Drenas skuadra lidere e Superligës Feronikeli me lehtësi ka mposhtur Gjilanin duke e ofruar edhe më afër barazhit.

Ashtu siç është pritur skuadra e Feronikelit e kreu tërë punën në pjesën e parë duke shënuar dy gola çka ishin të mjaftueshëm për gjatë 90 minutave për ti arkëtuar tri pik drejt titullit të kampionit.

Golin e parë e shënoi sulmuesi Kastriot Rexha i cili me kokë në minutën e 8 e detyroi portierin Haxhihamzën ta nxjerr nga rrjeta e tij topin.

Golin e dytë e arritën në minutën e 34 së pari mbrojtësi Fisnik Papuqi në mënyrë të palejuar e pengon Rexhën në zonë të rreptësisë ndërsa arbitri Kreshnik Vula tregon pikën e bardhë i pa gabuar ishte Jean Carioca për rezultatin 2-0.

Gjatë tërë ndeshjes futbollistët e Gjilanit asnjëherë nuk arritën të rrezikojnë portën e portierit Troshupa i cili ishte i pa punë.

Trajneri i Gjilanit Gentjan Mezani i zhgënjyer pas ndeshjes deklaroi “Futbollistëve të mij po ju mungon disiplina në lojë ndërsa ne duhet të gjejmë forcë e e cilësi brenda skuadrës që në ndeshjet e ardhshme të gjejmë fitore”./rajonipress/