Mobi Casa

Gjilani në krizë të rezultateve

/ 1 minutë lexim
Uji Dea

Skuadra e Gjilanit ka pësuar humbje nga Malisheva me rezultat 3:2, ne ndeshjen e xhiros së 23-të të Superligës e Kosovës në futboll e cila u zhvillua në Gjilan.

Me këtë humbje ‘Skifterat’, i kanë vështirësuar punët vetës në garën për mbijetesë në Superligë, ndërsa më meritori për triumfin e Malishevës ishte superylli Drilon Hazrollaj i cili shënoi hattrick.

Gjilani kaloi e para në epërsi. Senad Jaroviq e shënoi golin e parë për Gjilanin në minutën e nëntë.

Mobi Casa

Hazrollaj më pas në minutën e 19-të dhe të 40-të nga penalltia, e kaloi Malishevën në epërsi. Gjilani arriti të barazoi rezultatin në minutën e 77-të, golin e shënoi Kushtrim Shabani.

Pikët e plota, Malisheva i siguroi me golin e minutës së 86-të, të shënuar nga Hazrollaj që tani ka 15-të gola të realizuar në elitën e futbollit kosovar.

Me këtë humbje, Gjilani mbetet me 22 pikë në vendin e tetë, ndersa në javën e ardhshme e pret një takim i vështirë, pasi luan ndeshjen kundër Llapit në Podujevë.